Den andre internasjonale konferansen om berekraftig vasskraft
Kva berekraftutfordringar står vasskraftsektoren ovanfor i dag, og korleis kan vasskraftproduksjon og -forvaltning gjerast meir miljøvenleg? Dette er hovudtema for den andre internasjonale konferansen om «Berekraftig vasskraft» som haldast i Trondheim 13. – 15. juni i år. På konferansen vil du høyre meir om gode praksisar innan miljøtilpassa vasskraft, aktuelle berekraftutfordringar og moglege forbetringspunkt.
Konferansen "Sustainability in Hydropower 2023 - ecological mitigation, best practises and governance" arrangerast i samarbeid mellom FME HydroCen (NTNU), NTNU Vannkraft, Havs och Vattenmyndigheten (HaV – Sverige) og Miljødirektoratet. NVE har sete i programkomiteen for årets konferanse.
Arrangørane ynskjer velkomen til fysisk deltaking då konferansen har eit tilhøyrande sosialt program, inkludert konsert og bankett.
Praktiske detaljar:
- Stad: NTNU – elektrobygget Gløshaugen Trondheim
- Tid: 13. juni – 15. juni
- Frist for å sende inn fagleg bidrag er 1. april
