Senking av HRV i Igesundvatnet

NVE har gjeve Herøy Vasslag SA løyve til permant å senke vasstanden i Igesundvatnet frå kote 121,05 til kote 119,2. Det er også gjeve løyve til mellombels å senke vasstanden til kote 117,45 medan anleggsarbeidet pågår. Senkinga skjer ved at det blir etablert eit nytt og lågare overløp i dammen. Det skal sleppast ei minstevassføring på 3 l/s medan arbeidet pågår og til magasinet er fylt opp til ny normalvasstand.

I samband med anleggsarbeidet er det behov for ein mellombels riggplass og helikopterplass. Desse er plassert i eit område med førekomst av den utvalde naturtypen kystlynghei. Dette vil kunne gje ein mellombels påverknad på naturtypen. NVE har vurdert konsekvensen for naturtypen opp mot føremålet med tiltaket som er damsikkerheit.