Kraftsituasjonen veke 28, 2026
Auka prisforskjellar mellom nord og sør i Noreg
NVE arbeider no med å forbetre kraftsituasjonsrapporten
Vil du bidra? Del innspela dine her
Kraftprisane auka i dei sørlege prisområda (NO1, NO2 og NO5) i veke 28, medan dei var om lag uendra i Midt- og Nord-Noreg (NO3 og NO4). Dette førte til større prisforskjellar mellom nord og sør i Noreg. Produksjonen frå vasskraftverk med magasin auka, og saman med lite tilsig bidrog dette til lågare magasinfylling i sørlege Noreg.
Nøkkeltal for veka
Kraftprisar (gjennomsnitt for veka):
- Søraust-Noreg (NO1): 100 øre/kWh (+17 øre/kWh frå veke 27)
- Sørvest-Noreg (NO2): 106 øre/kWh (+10 øre/kWh frå veke 27)
- Midt-Noreg (NO3): 67 øre/kWh (+0 øre/kWh frå veke 27)
- Nord-Noreg (NO4): 23 øre/kWh (-3 øre/kWh frå veke 27)
- Vest-Noreg (NO5): 98 øre/kWh (+20 øre/kWh frå veke 27)
Større prisforskjellar i Noreg
Vekeprisane auka i sørlege Noreg (NO1, NO2 og NO5), medan dei var om lag uendra i Midt- og Nord-Noreg (NO3 og NO4). Dette gav større prisforskjellar mellom nord og sør i Noreg.
Dei auka vekeprisane i sørlege Noreg skuldast særleg periodar med høge prisar mellom torsdag og laurdag. I denne perioden var vindkraftproduksjonen låg på kontinentet og i Storbritannia. I timar med låg solkraftproduksjon og framleis høgt forbruk var kraftprisane i desse områda høge, noko som var med å trekkje opp kraftprisane i sørlege Noreg. I dei same timane var det krafteksport frå Sørvest-Noreg (NO2) og høg produksjon frå vasskraft med magasin.
Lågare magasinfylling i sørlege Noreg
Lite nedbør førte til lågt tilsig til vasskraftmagasina i sørlege Noreg. I alle dei sørlege prisområda var vasskraftproduksjonen høgare enn tilsiget, og magasinfyllinga gjekk derfor ned. Nedgangen var størst i Sørvest-Noreg, der produksjonen frå vasskraft med magasin auka frå veke 27. I Midt- og Nord-Noreg auka magasinfyllinga.
Lågare kraftproduksjon og om lag uendra nettoeksport
Den samla kraftproduksjonen i Noreg gjekk ned frå veka før. Produksjonen frå vasskraft med magasin auka, men nedgangen i produksjonen frå elvekraft og vindkraft var større. Kraftforbruket gjekk ned om lage like mykje som produksjonen. Det var nettoeksport frå Noreg i veke 28 og den var på om lag same nivå som førre veke.
Last ned kraftsituasjonsrapporten for veke 28 2026
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
