Kraftsituasjonen veke 37, 2025
Høgt tilsig og auka magasinfylling i sørlege Norge
Høgt tilsig dei siste vekene gav ein auke i magasinfyllinga i sørlege Noreg (NO1, NO2 og NO5) for andre veke på rad. I Midt- og Nord-Noreg (NO3 og NO4) var det lite tilsig og magasinfyllinga gjekk ned, men fyllinga heldt seg framleis på eit høgt nivå for årstida.
Lågare kraftprisar i sørlege Noreg
Kraftprisane i sørlege Noreg gjekk ned førre veke. Dette er andre veke på rad med nedgang i kraftprisane i sørlege Noreg. Auka vasskraftproduksjon og periodar med flaskehalsar mot kontinentet var noko av årsaka til det. Vekeprisen i Midt-Noreg (NO3) gjekk opp samanlikna med veka før, og enda på 24 øre/kWh. Dette er den høgaste vekeprisen i Midt-Noreg sidan veke 19, men framleis er den blant dei lågaste i Norden og Europa.
Gjennomsnittlege kraftprisar for veke 37:
- Søraust-Noreg (NO1): 62 øre/kWh
- Sørvest-Noreg (NO2): 69 øre/kWh
- Midt-Noreg (NO3): 24 øre/kWh
- Nord-Noreg (NO4): 5 øre/kWh
- Vest-Noreg (NO5): 56 øre/kWh
Auka kraftprisar på kontinentet
Førre veke auka kraftprisane på store deler av kontinentet, og i Tyskland enda vekeprisen på 108 øre/kWh. Auken i pris kan delvis forklarast med høgare fossil kraftproduksjon grunna låg fornybar produksjon i starten av veka. I desse periodane hadde sørlege Noreg høg vasskraftproduksjon og eksport av kraft.
Merknad: Grunna ein teknisk feil med Figur 14 Fysisk mellom prisområda i Norden vart rapporten oppdatert med riktig figur den 18.09.2025 kl. 12:00.
Last ned kraftsituasjonsrapporten for veke 37 2025
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Kraftpriser og kraftsystemdata
NVE lanserer no den første versjonen av «Kraftpriser og kraftsystemdata». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
