Kraftsituasjonen veke 30, 2025
Store prisskilnadar i Noreg
Tilnærma uendra kraftproduksjon
Det var lite endringar i samla produksjon og forbruk i Noreg samanlikna med veka før. Sjølv om vasskraftproduksjonen endra seg lite, var den høgare enn tilsiget, og magasinfyllinga gjekk ned i fleire av prisområda i Noreg. Størst nedgang var det i Sørvest-Noreg (NO2).
Større prisskilnadar i Noreg
Det er for tida store prisskilnadar mellom nord og sør i Noreg. I veke 30 hadde Nord-Noreg (NO4) den lågaste kraftprisen i Europa, medan prisen i Sørvest-Noreg (NO2) låg tettare på prisane på kontinentet. Prisskilnadane kjem mellom anna av flaskehalsar i nettet mellom nord og sør og forskjellar i den hydrologiske situasjonen. I tillegg har avgrensingar i nettet gjennom sommaren bidrege til prisskilnadar internt i sørlege Noreg (NO1, NO2 og NO5). Gjennomsnittlege prisar i veke 30:
- Søraust-Noreg (NO1): 50 øre/kWh
- Sørvest-Noreg (NO2): 93 øre/kWh
- Midt-Noreg (NO3): 11 øre/kWh
- Nord-Noreg (NO4): 2 øre/kWh
- Vest-Noreg (NO5): 15 øre/kWh
Auka prisskilnadar mellom Sørvest- og Søraust-Noreg
Prisskilnaden mellom Sørvest- og Søraust-Noreg (NO2 og NO1) auka i veke 30. Høgare import frå Vest-Noreg (NO5) gjennom veka, kan ha bidrege til å trekkje ned gjennomsnittsprisen i Søraust-Noreg. Samtidig var det redusert overføringskapasitet mellom Søraust- og Sørvest-Noreg store delar av veka, som reduserte kraftflyten og bidrog til å auke prisskilnaden mellom områda.
Last ned kraftsituasjonsrapporten for veke 30 2025
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
