Kraftsituasjonen veke 24, 2025
Auka kraftprisar i Norden
Auka kraftprisar trass redusert forbruk
Store delar av Noreg (NO1, NO2, NO3, NO5) fekk auka temperaturar mot slutten av førre veke. Dette, kombinert med heilagdag måndagen, førte til reduksjon i forbruket. Produksjonen heldt seg på nivå med vekene før, og Noreg hadde auka nettoeksport til nabolanda. Det var mindre vindkraftproduksjon i Norden samanlikna med veka før. Dette bidrog til auka vasskraftproduksjon og auka kraftprisar i Noreg og Norden. Gjennomsnittlege kraftprisar for veke 24:
- Søraust-Noreg (NO1): 58 øre/kWh
- Sørvest-Noreg (NO2): 65 øre/kWh
- Midt-Noreg (NO3): 23 øre/kWh
- Nord-Noreg (NO4): 9 øre/kWh
- Vest-Noreg (NO5): 52 øre/kWh
Enkelttimar med negative prisar i sørlege Noreg
God tilgang på solkraft på kontinentet bidrog til låge og negative prisar midt på dagen i førre veke. I desse timane var det import til sørlege Noreg (NO1, NO2 og NO5), og Søraust- og Vest –Noreg (NO1 og NO5) fekk enkelttimar med negative kraftprisar for første gong i år.
Større prisvariasjonar i Tyskland
Vekeprisen for Tyskland var 62 øre/kWh, 3 øre lågare enn i Sørvest-Noreg (NO2). Sjølv om vekeprisen i Tyskland var lågare i snitt, hadde Tyskland større variasjonar i prisane time for time. Til dømes var prisen i Tyskland på det høgaste 251 øre/kWh, medan kraftprisen i Sørvest-Noreg var 104 øre/kWh i same time. Fleksibel vasskraft og flaskehalsar i nettet bidrog til å dempe prisvariasjonane i sørlege Noreg.
Last ned kraftsituasjonsrapporten for veke 24 2025
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
