Kraftsituasjonen veke 23, 2025
Store prisskilnadar i Noreg
Framleis store prisskilnadar i Noreg
Det var små endringar i vekesprisane i Noreg frå veka før, og prisskilnadane mellom nord og sør i Noreg var framleis stor. Gjennomsnittlege kraftprisar for veke 23:
- Søraust-Noreg (NO1): 55 øre/kWh
- Sørvest-Noreg (NO2): 64 øre/kWh
- Midt-Noreg (NO3): 18 øre/kWh
- Nord-Noreg (NO4): 3 øre/kWh
- Vest-Noreg (NO5): 48 øre/kWh
Rekordlåg pris i Nord-Noreg
Høg magasinfylling for årstida og snøsmelting i Nord-Noreg (NO4) bidrog til framleis høg kraftproduksjon for veka og låge kraftprisar. Det var fleire periodar med negative kraftprisar gjennom veka, og på det lågaste var prisen -21 øre/kWh. Dette er 4 øre lågare enn rekorden veka før. Som i førre veke var det import frå Nord-Sverige (SE1 og SE2) i desse timane trass i at prisane der var høgare. Importen bidrog til å avlaste kraftnettet slik at det kunne gå større kraftflyt sørover frå områda nord i Norden og vidare til kontinentet.
Vedlikehaldsarbeid i nettet gav lågare kraftflyt nord-sør i Noreg
Førre veke var det vedlikehaldsarbeid fleire stadar i nettet i Noreg. Arbeidet vil halde fram gjennom sommaren og kan bidra til periodar med lågare kapasitet og kraftflyt mellom områda i Noreg. Det var blant anna lågare kraftflyt sørover frå Midt-Noreg (NO3) til Vest-Noreg (NO5) førre veke. Dette bidrog til lågare nettoeksport frå Midt- og Nord-Noreg samanlikna med veka før.
Kapasiteten på fleire kraftliner i Noreg har vore senka av omsyn til driftsrisikoen i samband med innføringa av ein ny reservemarknad for kraft 4. mars i år. Kapasiteten skulle etter planen setjast tilbake til normalt nivå førre veke, men endringa er no utsett til 1. september.
Last ned kraftsituasjonsrapporten for veke 23 2025
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
