Kraftsituasjonen veke 20, 2025
Auka vindkraftproduksjon og lågare kraftprisar
Auka vindkraftproduksjon og lågare kraftforbruk
I veke 20 fall kraftproduksjonen i Norden samanlikna med veka før, medan varmare vêr bidrog til at forbruket gjekk ned. Produksjonen frå vindkraftverk auka, men lågare produksjon frå mellom anna vass- og kjernekraft bidrog til at den samla produksjonen gjekk ned.
Lågare kraftprisar
Kraftprisane fall i heile Norden sist veke. I Søraust- og Sørvest-Noreg (NO1 og NO2) var kraftprisane i snitt på nivå med fleire av landa på kontinentet. Frå onsdagen og ut veka bidrog høg vindkraftproduksjon i Norden til at prisane gjekk noko ned samanlikna med ved starten på veka. I Midt- og Nord-Noreg (NO3 og NO4) bidrog auken i vindkraftproduksjonen til at prisane fall også her.
Gjennomsnittlege kraftprisar for veke 20:
- Søraust-Noreg (NO1): 74 øre/kWh
- Sørvest-Noreg (NO2): 79 øre/kWh
- Midt-Noreg (NO3): 6 øre/kWh
- Nord-Noreg (NO4): 4 øre/kWh
- Vest-Noreg (NO5): 48 øre/kWh
Lågare nettoeksport frå Noreg
Sist veke hadde Noreg den lågaste nettoeksporten så langt i år. Dette har samanheng med at nettoeksporten frå sørlege Noreg (NO1, NO2 og NO5) til naboområda gjekk ned, slik at ein kom nærare balanse mellom import og eksport. I timar på dagtid med høg solkraftproduksjon på kontinentet fekk sørlege Noreg import til lågare prisar, medan flyten snudde til eksport til høgare prisar i andre delar av døgnet.
Last ned kraftsituasjonsrapporten for veke 20 2025
Ved publisering mangla kraftproduksjonsdata for Finland i enkelte timar. Dette inneber at nokon av figurane og tabellane kan innehalde feil.
Vassmagasinstatistikk
Les meir om vassmagasinstatistikk her.
For fleire detaljer, sjå: www.senorge.no/map.
Data for kraftsituasjonen
NVE lanserer no den første versjonen av «Data for kraftsituasjonen». Denne nettsida vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Vi tek gjerne imot tilbakemeldingar som kan bidra til å forbetre rapporten.
