Revisjon av konsesjonsvilkår for Arnafjord- og Vikvassdraga

NVE opna vilkårsrevisjon for Arnafjord- og Vikreguleringa etter at vi fekk inn krav frå Vik og Voss kommunar, Nærøydalselva elveeigarlag og Norsk Villaksbevaring. Krava skildra erfaringane deira med ulemper som følgje av utbygginga. Regulantane, Statkraft og Sognekraft, utarbeidde eit revisjonsdokument som mellom anna gjorde greie for korleis systemet fungerer, kva kunnskap vi har om natur og miljø i reguleringsområdet, og kva endringar dei meiner bør gjerast i konsesjonen. NVE har hatt saka på høyring og vore på synfaring. Vi skal no fatte vedtak i saka.

I vedtaket vil vi vise til dokumenta i saka på denne måten: «NVE dok. 1». Du finn dei fleste av desse dokumenta i filoversikta på denne sida. For ei fullstendig oversikt over dokumenta i saka, sjå einnsyn.no. Der kan du òg søkje om innsyn i dokumenta.