Nordre Averøy vannverk - søknad om uttak av vann og regulering av Storvatnet i Averøy kommune

Storvatnet i Averøy kommune, Møre og Romsdal fylke, har i over 50 år vært råvasskjelda til Nordre Averøy vannverk. Det er behov for ei oppgradering og forsterkning av både eksisterande dam og av sikkerheita til vassforsyninga i området. Nordre Averøy vannverk søkjer difor etter vassressurslova § 8 om løyve til å ta ut inntil 6 mill. m³ vatn per år, og å regulere Storvatnet mellom LRV kote 24,7 og HRV kote 26,7. Grunngjeving for tiltaket er å sikre ordinær vassforsyning til Nordre Averøy samt reservevassforsyning til resten av Averøy. Det er også behov for auka vassuttak til eksisterande og ny industri spesielt innan akvakultur. Framtidig ordinær vassforsyning til Nordre Averøy vannverk er berekna til 1,5 mill. m³/år. Ved langvarig reservevassforsyning til Folland vannverk på Averøy eller Kristiansund vannverk, er det berekna eit vassbehov på årsbasis til høvesvis 2,0 mill. m³ og 6,0 mill. m³.