Heibøåi kraftverk

Heibøåi kraftverk fikk konsesjon 11.05.2016, og søkte om utsatt byggjefrist til 11.05.2026. NVE har på grunnlag av den nye kunnskapen om biologisk mangfald gjort ei konkret vurdering på om Heibøåi kraftverk kan få forlengd byggjefrist. NVE kan ikkje sjå at det finst avbøtande tiltak som i tilstrekkeleg grad kan redusere ulempene for naturmangfaldet, utan at dei går vesentleg utover samfunnsnytta til prosjektet. NVE meiner at det ligg tungtvegande omsyn føre som tilseier at søknaden om forlengd byggjefrist for Heibøåi kraftverk må avslåast.

Kartlegginga til Biofokus avdekte ei rekkje nye trua artar og naturtypar. Det er registrert fakkeltvebladmose (VU) på liggande død ved (læger) i vasstrengen i nedre del av vassdraget. Aust for Kasine vart skogsbekkemose (NE, DD i 2015) påvist og potensialet for fleire krevjande mosar på død ved i vasstrengen er stort. Grønsko (NT) finst hyppig på død ved langs vassdraget. På ask og alm sør for Bjønnemyr er blådoggnål (VU), klosterlav (NT), almekullsopp (NT) og skrukkeøre (NT) påvist, i tillegg til funn av almelav (NT). I skogen mellom Grasskotet og Heiberget vart det på gran funnen svartsonekjuke (NT), rosenkjuke 7 (NT) og rynkeskinn (NT). Vest for Heibøåi vart gubbeskjegg (NT) og sprikjeskjegg (NT) påvist. I tillegg er det i artskart registrert funksjonsområde for gaupe (EN) og granmeis (VU). Fira raudlista naturtypar vart registrert i tilknyting til vasstrengen: fosseberg (VU), høgstaudeedellauvskog (VU), flaumskogmark (VU) og høgstaudegranskog (NT). I tillegg vart det påvist gammal granskog med liggande død ved av svært høg kvalitet og gammal høgstaudegråorskog av høg kvalitet.