Rydøla kraftverk

Rydøla kraftverk vil nytte eit fall på 540 m i Rydøla med inntak på kote 575 og kraftstasjon på kote 35. Viergrovi skal overførast til inntaket via eit 240 m langt røyr. Vassvegen på totalt 1410 m er planlagt som ein kombinasjon av røyr i grøft og sjakt/tunnel i fjell. Inntaket er planlagd bygd ved hjelp av ein veg som er under bygging inn til stølen i Rydalen, og det må byggast 50 m ny permanent veg til kraftstasjonen. Middelvassføringa er 680 l/s og kraftverket er planlagt med ei maksimal slukeevne på 1705 l/s. Kraftverket vil ha ein installert effekt på 7,9 MW og etter planane gje ein produksjon på 14,9 GWh. Utbygginga vil føre til redusert vassføring på ei 1560 m lang elvestrekning i Rydøla. Det er planlagt slepp av minstevassføring frå inntaket på 400 l/s i perioden 1/6-31/8 og 100 l/s resten av året.