Husvollåe kraftverk
- Registreringsnummer
- 6096
- Saksnummer
- 201002761
- Overordnet sakstype
- Vannkraft
- Sakstype
- Ny vannkraft
- Status
- Gjeldende konsesjon
- Vedtaksdato
- 19.12.2013
- Tiltakshaver
- Husvollåe Kraftverk AS (SUS)
- Fylke
- Telemark
- Kommune
- Tinn
- Vassdragsområde
- 016.G52A2A0
- Søkt produksjon
- 14,50 GWh
Utsatt byggefrist. Ny frist er 19.12.2023
Tre løyve og ei tilråding til småkraftverk i Tinn og Notodden.
NVE har hatt 8 søknadar til handsaming om bygging av småkraftverk i kommunane Tinn og Notodden. NVE gjev løyve til tre av kraftverka og avslag til tre. For eitt kraftverk har NVE tilrådd at Olje- og energidepartementet gjev løyve. Ein søknad er ikkje avklart enno.
NVE har gjeve konsesjon til Husvollåe og Vesleåe kraftverk i Tinn kommune, og til Bergåa kraftverk i Notodden kommune. NVE har tilrådd at Olje- og energidepartementet gjev løyve til Ramsåe kraftverk i Tinn kommune. Samstundes har NVE avslått søknadane om bygging av kraftverk i Kvitåi og Gjerdøla i Tinn kommune, og Haukedalsåa i Notodden kommune. Vedtak i Esperåa kraftverk vil kome på seinare tidspunkt grunna motsegn frå kommunen. Dei fire kraftverka som har fått løyve vil, etter dei vilkåra som er sett, produsere omlag 32 GWh i eit medels år, noko som svarar til straumbruken til 1600 husstandar.
Dei åtte søknadane har vorte handsama samla for å kunne gjere ei heilskapleg vurdering av verknadane, som best kjem fram når sakene blir sett i samanheng. Verdfullt naturmangfald, landskap, brukarinteresser og samla belasting i området, har vore sentralt i NVEs vurdering.
NVE har lagt vekt på å få fram dei prosjekta som har minst konflikt med allmenne interesser og som samstundes vil bidra til ny fornybar energiproduksjon. NVE har sett på miljøtilpassingar av dei enkelte prosjekta for å redusere konflikten med dei allmenne interessene.