Vossedalselvi (Vassvøre kraftverk)

NVE har handsama dei 5 søknadane samla for å kunne gjere ei heilskapleg vurdering av konsekvensar som først kjem fram når sakene blir sett i samanheng. Sakane i Voss har hatt ulike problemstillingar, og NVE har sett få konsekvensar av stor skala, men samla belastning for vassdragsnaturen, anadrom laksefisk og landskap er vurdert.

Fylkesmannen har fremja motsegn mot to av prosjekta; Vassvøre og Nedre Dyrvo. NVE har til dels vore einig i Fylkesmannens vurderingar, men har i førstnemnde prosjekt vurdert at kraftverket likevel bør få konsesjon. Med krav til teknisk utføring av anlegget vil landskaps- og friluftsinteressene verte ivareteke på ein god måte, meiner NVE.

I handsaminga av søknadane har NVE teke særleg omsyn tilanadrom laksefisk i nasjonalt laksevassdrag og tilpassing i landskapet. NVE har lagt vekt på å få fram dei prosjekta som har minst konflikt med ålmenne interesser og som samstundes vil bidra til ein fornybar energiproduksjon. NVE har sett på miljøtilpassingar av dei enkelte prosjekta, for å redusera konflikten med dei ålmenne interessene.

I vedtaket til Vassvøre kraftverk har NVE lagt vekt på at ei utbygging vil gje eit relativt stort bidrag til produksjon av ny fornybar energi. Vi meiner at avbøtande tiltak vil vere tilstrekkelege til at ei utbygging av Vossedalselvi er akseptabel for både landskap, friluftsliv og biologisk mangfald. Ei realisering av Merkesgrovi vil kome i konflikt med føringane for nasjonale laksevassdrag, og NVE avslår derfor denne delen av prosjektet.