Storåselva kraftverk

NVE si tilråding legg til grunn hovudalternativet som er omsøkt. NVE meiner den største negative konsekvensen er redusert vassføring i Storåselva og Aunsandfossen med påverking det vil kunne ha for rødlista artar i fossen, landskapet og oppleving av elva. Med avbøtande tiltak meiner NVE at ulempene som følgjer av tiltaket er akseptable i høve til nytten av auka kraftproduksjon.

NVE legg i si samla vurdering vekt på at kraftverket med den anbefalte utbyggingsløysinga vil produsere om lag 69,3 GWh fornybar kraft årleg, noko som svarar til straumforbruk til om lag 3500 husstandar, samstundes som dei negative verknadene vert relativt avgrensa. 

Kraftverket er planlagd knyta til straumnettet via ny 66 kV kraftleidning til Snåsa transformatorstasjon. NVE sine vurderingar av søknaden om bygging av leidningen er lagd ved tilrådinga til Storåselva kraftverk. NVE meiner leidningen bør byggjast i høve til traséalternativ 4 frem til Agle, 3a ved Dravlan og 3b forbi Moum inn til stasjonen.