Kaldåna småkraftverk
- Registreringsnummer
- 5326
- Saksnummer
- 200806736
- Overordnet sakstype
- Vannkraft
- Sakstype
- Ny vannkraft
- Status
- Gjeldende konsesjon
- Vedtaksdato
- 30.11.2012
- Tiltakshaver
- KALDÅNA KRAFT AS
- Fylke
- Rogaland
- Kommune
- Suldal
- Vassdragsområde
- 037.5B
- Søkt produksjon
- 8,00 GWh
NVE gjev Kaldåna Kraft AS løyve til å bygge Kaldåna kraftverk i Suldal kommune i Rogaland. Kraftverket vil få ein årleg produksjon på om lag 8 GWh, noko som svarar til straumbruken til rundt 400 husstandar.
Kaldåna kraftverk vil etter dei framlagte planane nytte ei fallhøgd på 325 m, med inntak på kote 580 og kraftstasjon på kote 255. Vatnet skal førast i tunnel frå inntaket og ned til ca. kote 350. vidare mot kraftstasjonen skal vassrøyret ligge nedgrave i grøft.
Konsekvensane for allmenne interesser er primært knytt til fossen i Kaldåna som landskapselement, og naturmangfaldet knytt til ei mindre fossesprutsone. Det har ikkje vore mogleg å undersøke fossesprøytsona, men NVE har lagt til grunn at med ei god minstevassføring kan verdiane sikrast på ein god måte. Dette vil også kome landskapsinteressene til gode. NVE meiner at ei utbyggingsløysning der øvre del av vassvegen går i tunnel er med på å redusere landskapsinngrepa på ein god måte.
NVE vurderer det slik at med ei utbygging der øvre del av vassvegen går i tunnel og med ei god minstevassføring vil tiltaket ikkje medføre vesentlege ulemper for ålmenta. Samstundes vil tiltaket gje omlag 8 GWh/år i fornybar energiproduksjon. Vi har på bakgrunn av dette gjeve Kaldåna Kraft AS løyve til bygging av Kaldåna kraftverk på nærare fastsette vilkår.
Kontaktpersonar: Seksjonssjef Øystein Grundt, tlf. 22 95 93 89/ 901 98 216 Overingeniør Kristine Naas, tlf. 22 95 97 66