Breidalselva minikraftverk
- Registreringsnummer
- 5265
- Saksnummer
- 200708173
- Overordnet sakstype
- Vannkraft
- Sakstype
- Ny vannkraft
- Status
- Gjeldende konsesjon
- Vedtaksdato
- 25.06.2009
- Fylke
- Vestland
- Kommune
- Gloppen
- Vassdragsområde
- 087.1AZ
- Søkt produksjon
- 6,00 GWh
NVE har gjeve Moane Kraft AS løyve til bygging av Breidalselva minikraftverk i Gloppen kommune, Sogn og Fjordane. Kraftverket vil nytte eit fall på 335 meter i Breidalselva og gje ein årleg produksjon på om lag 6 GWh, noko som svarar til straumbruken til rundt 300 husstandar
Breidalselva er ei av tre greiner i Ryggvassdraget på sørsida av Gloppenfjorden. Ryggelva er verna mot kraftutbygging i Verneplan IV for vassdrag. Det er opna for bygging av mikro- og minikraftverk i verna vassdrag med installert effekt under 1 MW under føresetnad at utbygginga ikkje kjem i konflikt med verneverdiane. For Ryggelva er verneverdiane knytt til kvartærgeologi, landskapsformer og kulturminner.
NVE vurderer Breidalselva kraftverk til ikkje å påverke vernverdiane nemneverdig ettersom fråføring av vatn og andre inngrep medfører små verknader for naturmiljø, landskap og kulturminner. For å oppretthalde vassføringsvariasjonar i midlare og tørre år, har NVE redusert slukeevna til 300 l/s, som tilsvarar 49 prosent av midlare vassføring. Vidare er det fastsett ei minstevassføring på 100 l/s i perioden 1. mai - 30. september og 40 l/s resten av året.
Etter NVE sitt syn er utbygginga med dei avbøtande tiltaka akseptabel i høve til private og allmenne interesser.