Sundli kraftverk, reg. Strømtjønna

Jamtåsbekken renn for det meste i skogkledd dal øst for Fannrem i Orkdal kommune. Jamtåsbekken er sidevassdrag til Orkla som er nasjonalt laksevassdrag. Elles er det ikkje knytt store allmenne interesser til elva. Storlom, som er klassifisert som sårbar i Norsk Rødliste, hekker i området. Det er ikkje funne omsynskrevjande naturtypar i tiltaksområdet. NVE har sett krav om at kraftstasjonen skal plasserast ovanfor anadrom strekning av omsyn til beskyttelsesregimet for nasjonale laksevassdrag. For å oppretthalde livet i elva og for å sikre tilstrekkeleg vassføring for fisk nedanfor kraftverket, har NVE fastsett ei minstevassføring på 30 l/s heile året. NVE har òg fastsett restriksjonar på regulering av Strømtjønna i sommarsesongen av omsyn til hekkande storlom, friluftsliv og landskap. Etter NVE sitt syn er utbygginga med dei avbøtande tiltaka akseptabel i høve til private og allmenne interesser.