Planendring Kreppingdalen kraftverk

NVE har fått ein søknad frå Kreppingdalen Kraftverk AS, datert 03.07.2025, om planendring for Kreppingdalen kraftverk i Hjelmeland kommune. Etter ei ny vurdering av prosjektet og oppdaterte kostnadsestimat, vert det søkt om å flytte kraftstasjonen frå dagen og inn i fjell. Vassvegen vert endra frå borehol i heile lengda til ein kombinasjon av tilkomsttunnel med utløpskanal inn til stasjonshall, med vidare boring opp til inntaket. Endringa inneber større mengder overskotsmassar som må handterast, men ifølgje søker vil det redusere risikoen knytt til lange borehol. Tiltaket vil redusere utbyggingskostnadane med om lag 12 millionar kroner og auke årleg produksjon med 0,4 GWh. Søknaden skal behandlast etter reglane i vassressurslova kapittel 3.