Osland Genetics - søknad om uttak av grunnvann til landbasert oppdrett - Bjordal

Osland Genetics har eit stamfiskanlegg for regnbogeaure på Oslandsøyra i Høyanger kommune. Anlegget har behov for ei meir stabil løysing for vassforsyninga si då dei planlegg å ha stamfisk på land større delar av året for å sikre havbruksnæringa tilgang til rogn heile året. I tillegg har dei teke i bruk eit nytt inkubasjonssystem, singelinkubering, som krev meir vatn. Det er ønskjeleg å ta ut grunnvatn frå Førde sidan noverande vasskjelde er for liten og ustabil for framtidig planlagt produksjon. Osland Genetics søkjer difor om konsesjon etter vassressurslova § 45 til uttak av inntil 70 l/s (4,2 m3/min) grunnvatn på gnr./bnr. 20/1 i Førde i Høyanger kommune. Grunnvatnet er planlagt henta ut frå to brønnar i lausmassar like ved Førdselva i Førde. Vatnet skal førast via sjøleidning frå Førde til Osland Genetics sitt anlegg på Oslandsøyra.

NVE behandlar vassuttaket etter vassressurslova medan Høyanger kommune behandlar vassleidningen etter plan og bygningslova.