Stavåna minikraftverk

Tafjord Kraftproduksjon AS søker om løyve til å bygge Stavåna minikraftverk i Stavåna. Inntaket, av typen coanda, er planlagt på kote 410. Der i frå vil vassvegen gå i ei 1700 m lang nedgraven røyrgate fram til kraftstasjonen på kote 150. Middelvassføringa i elva er 1290 l/s. Det er planlagt ei maksimal slukeevne i kraftverket på 500 l/s. Saman med ein installert effekt på 0,99 MW vil dette ifølgje søknaden gje ein årleg middelproduksjon på 6,8 GWh. Det er planlagt å sleppe ei minstevassføring på 170 l/s om sommaren og 49 l/s om vinteren. Det er behov for å bygge om lag 120 m ny veg som tilkomst til kraftstasjonen. Det er i utgangspunktet ikkje planlagt å ha permanent veg til inntaket. Stavåna er del av Stordalsvassdraget som er verna gjennom Verneplan III for vassdrag.