Akslandselva kraftverk - økt slukeevne

NVE har fått søknad frå Akslandselva kraftverk AS om løyve etter vassressurslova til å auke slukeevna i Akslandselva kraftverk frå dagens 0,67 m³/s til 0,73 m³/s Søknaden skal behandlast etter reglane i kapittel 3 i vassressurslova. Nye hydrologiske analysar viser at auka slukeevne gir ein reduksjon i middel restvassføring nedstraums inntaket på om lag 0,005–0,011 m³/s (5–11 l/s). Dette svarer til om lag 6–7 % reduksjon i gjennomsnittleg restvassføring. Samstundes blir talet på dagar med overløp redusert med 2–6 dagar i representative år. Årsproduksjonen er berekna til om lag 5,5 GWh ved dagens slukeevne og 5,65 GWh ved omsøkt slukeevne. Dette svarer til ein auke i årsproduksjon på om lag 0,15 GWh, eller om lag 2,7 %.

Når det gjeld nytten av tiltaket, viser NVE til at produksjonsauken er avgrensa, om lag 0,15 GWh/år, og tiltaket kan gjennomførast utan nye fysiske inngrep. Etter ei samla vurdering meiner NVE at tiltaket ikkje vil føre til ei vesentleg svekking av den registrerte bekkekløfta og andre ulempe for allmenne interesser. På denne bakgrunnen meiner NVE at auka slukeevne kan tillatast utan at det strir mot dei miljøfaglege føresetnadene som låg til grunn for konsesjonen i 2011. Fordelane ved tiltaket er dermed større enn skadane og ulempene for allmenne og private interesser, jf. vassressurslova § 25.