Skipavika Næringspark AS - regulering av Dam Skipavika

Skipavika Næringspark har søkt om å endre bruksføremål frå produksjon av settefisk til produksjon av amoniakk og anna industriføremål. NVE har gitt løyve til slik bruksendring.

I vedtaket har NVE lagt vekt på at etablering av Dam Skipavika med tilhøyrande industriproduksjon vil auke verdiskaping lokalt og i regionen. Det påverka området er sett av til industriføremål og området er betydeleg påverka av inngrep.

Området vert ikkje nytta i friluftsamanheng og tiltaket er ikkje synleg frå fjorden. Ut i frå tilgjengeleg kunnskap vurderer NVE det som lite sannsynleg at tiltaket vil føre til nemneverdig skade eller ulempe for allmenne interesser knytt til biologisk mangfald. NVE kjenner ikkje til viktige allmenne interesser som vil bli negativt påverka av tiltaket.