Brødrene Sunde AS - vassleidning i Spjelkavikelva

I vedtaket har NVE lagt vekt på at ein open vassleidning i Brusdalselva vil kunne få negativ verknad for bestanden av sjøaure i eit vassdrag med store fiskeinteresser. Vassleidningen kan også få negativ verknad for bestanden av elvemusling i elva. Dette er i konflikt med OED sine retningsliner. Vi har også lagt vekt på at tiltaket vil redusere opplevingsverdien ved ferdsel langs elva og utøving av fiske.

Etter NVE si vurdering vil ikkje dei positive sidene ved å la vassleidningen bli liggande i vassdraget overstige desse ulempene.

Det er utanom å fjerne vassleidningen frå elva få avbøtande tiltak å sette inn, og eit avslag på søknaden vil etter NVE si meining best ivareta allmenne interesser knytt til biologisk mangfald og brukarinteresser. NVE vurderer alternativet med å grave ned vassleidningen på nordsida av elva, langsetter den kommunale vassleidningen, som det beste alternativet med tanke på å redusere inngrep og påverknad for allmenne interesser.