Vassuttak og regulring av Storavatnet - Erko Settefisk AS

Erko Settefisk AS gis løyve til å ta ut vatn frå Storavatnet til produksjon av settefisk på lokalitet Sagvåg. Gjennomsnittleg vassuttak vert 11,5 m3/min (192 l/s) og høgaste månadsmiddel 20 m3/min (330 l/s). Storavatnet vert regulert mellom kote 10,10 (LRV) og kote 10,60 (HRV). Det skal sleppast ei minstevassføring på 100 l/s. Inntak er planlagt om lag 650 m inn i Storavatnet og leidningen skal førast til anlegget via Vasspollen og Sjøpollen fram til anlegget. Der leidningen går over land skal den gravast ned.

I vedtaket har NVE lagt vekt på at ei utbygging av Erko Settefisk sitt anlegg vil bidra med produksjon av 5 millionar smolt med avgrensa verknad for miljø. Omsynet til landskap og friluftsliv er vektlagt spesielt sidan tiltaket ligg i eit område som er mykje nytta til friluftsaktivitetar av lokalbefolkninga. NVE meiner at vasstandsvariasjonane ved ei regulering i liten grad vil skilje seg frå dagens situasjon og difor er akseptabel for friluftsliv og andre brukarinteresser.

Verknad for kulturminner er tillagt vekt då området ved utløpselva og Sagvågen har ei rik historie frå nyare tid. NVE vurderer at ved å nytte røyrgatealternativet via Vasspollen og Sjøpollen så vil utbygginga i liten grad påverke kjente kulturminneverdiar.

Tiltaket sin verknad for biologisk mangfald er også vektlagt. Det er sett krav om slepp av minstevassføring og at vandringsvegen for sjøaure og ål skal sikrast. Med føresetnad om at avbøtande tiltak vert gjennomført, meiner NVE at verknadane for allmenne interesser kan aksepterast.

NVE meiner at fordelane ved tiltaket samla sett er større enn ulempene for allmenne og private interesser, og gjev difor løyve til uttak av vatn og regulering av Storavatnet.