Regulering av Fjæreidevatnet og Engesvatnet

FjellVAR AS fekk 7.3.2017 konsesjon til regulering og uttak av drikkevatn frå Fjæreidevassdraget i Fjell kommune. Tiltaket vil etter NVE si vurdering gje store ulemper for allmenne interesser knytt til anadrom fisk, eventuell elvemusling, landskap og friluftsliv. Same dato fekk Fjell kommune saman med Sund kommune også konsesjon til uttak av vatn frå Kørelen, ei etter NVE si meining betre vasskjelde med færre konsekvensar for allmenne interesser. Av denne grunn vart varigheit av konsesjonen for Fjæreidevassdraget avgrensa til 5 år. Dette med tanke på at ein då vil kunne ha anledning til å ta i bruk Kørelen som hovudvasskjelde.

NVE meiner at ein konsesjon til regulering og uttak av vatn frå Fjæreidevassdraget i første omgang ikkje bør ha varigheit lenger enn 10 år. Etter denne datoen står tiltakshavar sjølvsagt fritt til å søke om nytt løyve ut i frå dei behova ein då ser at ein har. NVE meiner at ein med ei avgrensa varigheit på konsesjonen vil ha anledning til å igjen vurdere konsekvensane for allmenne interesser, og korleis dei avbøtande tiltaka fungerer.

NVE endrar vedtaket av 7.3.2017 ved at varigheit på konsesjonen vert forlenga frå 5 år til 10 år frå dette vedtaket sin dato. Andre vilkår knytt til den opphavlege konsesjonen gjeld framleis.

Kontaktpersonar:

Seksjonssjef Gry Berg, tlf. 22 95 92 20 / 41 29 30 86
Saksbehandlar Bård Ottesen, tlf. 22 95 95 28 / 93 06 74 34