Grønskredvatnet kraftverk

Eit vassfall på 426 m mellom Grønskredvatnet og Storevatnet kan nyttast til kraftproduksjon gjennom bygging av Grønskredvatnet kraftverk. I samband med utbygginga skal Grønskredvatnet regulerast to m og Vatn 731 skal overførast til Grønskredvatnet. Middelvassføringa er på 1,05 m3/s og kraftverket er dimensjonert med ei slukeevne lik 133 % av middelvassføringa. Vassvegen vil bestå av bora sjakt, røyr i tunnel og nedgravne rør. Det er planlagt å sleppe minstevassføring frå inntaket i Grønskredvatnet på 120 l/s frå 1. mai til 30. september og 40 l/s frå 1. oktober til 30.april, og frå dam i Vatn 731 høvesvis 60 l/s og 20 l/s. Dette tilsvarar 5-persentilverdiane sumar og vinter.