Bildøyvatnet vannverk

FjellVAR ønskjer å etablere eit nytt vassbehandlingsanlegg ved eksisterande drikkevasskjelde i Bildøyvatnet. Det er planar om å ta ut vatn tilsvarande naturleg avrenning frå vatnet, det vil seie 36 l/s. I tillegg vert det søkt om å halde fram med regulering av Bildøyvatnet mellom kote 170,8 og 179.

Bildøyvatnet vassverk vart i 1977 teke i bruk som kommunal vassforsyning. Etter etablering av vassverk ved Fjæreidevatnet vart Bildøyvatnet reservevasskjelde pga. dårlegare vasskvalitet og mangelfull reinsing. 

I dei siste åra har kjelda likevel vore nytta som supplering til den kommunale vassforsyninga. På bakgrunn av befolkningsvekst ønskjer ein å gjere denne bruken permanent og det er difor nødvendig å byggje eit nytt vassbehandlingsanlegg. I den anledning vert det no søkt om konsesjon for heile anlegget.

Bildøyvatnet er i dag regulert mellom kote 170,8 og 179. Dammen er 45 m lang og bygd i betong. Frå dammen er det lagt ein 200 mm vassleidning i eksisterande veg. Leidningen er kopla saman med eksisterande vassforsyningsnett ca. på kote 88, ved tilkomstvegen til høgdebasseng i Bildøynuten. Med unnatak av det nye vassbehandlingsanlegget vert det ingen nye fysiske inngrep.