Kvanndalselva kraftverk

Småkraft har søkt om å byggje Kvannddalselva kraftverk. Det var planlagt å nytte fallet i Kvanndalselva mellom kote 170 og kote 5. Vassvegen var planlagd nedgrave nær heile vegen. Kraftverket ville ha produsert omlag 5,2 GWh årleg.

NVE meiner at ei utbygging av Kvanndalselva kraftverk vil medføre betydelege terrenginngrep i eit fjordlandskap med verdi for friluftsliv og reiseliv. Vi har og lagt vekt på at tiltaket kjem i konflikt med to raudlista artar (VU - sårbar) og to naturtypar som er vurdert til viktige (verdi B) med potensial for oppklassifisering til verdi A - svært viktig. Vi vurderer også at det er potensiale for funn av andre sjeldne og truga artar knytt til området. NVE meiner at det er vanskeleg å finne gode avbøtande tiltak som vil redusere terrenginngrepa og verknad for landskap og biologisk mangfald. NVE vurderer det slik at ei utbygging av vassdraget ikkje er akseptabel i høve til allmenne interesser, og gjev difor ikkje løyve til Kvanndalselva kraftverk.