Svartfjellkilden

Loppa Spring Water har søkt om løyve til uttak av 18 l/s grunnvatn frå to kjelder, fordelt på ca. 9 l/s frå kvar kjelde. Vassføringa i dei to kjeldene ligg stabilt på ca. 9 l/s og det vil ikkje sleppast minstevassføring frå kjeldene. I kjeldeområdet skal det etablerast enkle inntak og pumpehus. Det vil ikkje pumpas vatn frå magasinet, berre vatn som er sprunge ut frå kjelda vil brukast. Vatnet frå dei to kjeldene går i same bekk, og renn etter ca. 150 m saman med Mikkeldalselva, som har ei estimert avrenning på ca. 220 l/s.

Vatnet skal brukast til produksjon av drikkevarer. Tiltaket vil styrka lokalt næringsliv og utvikle nye arbeidsplassar i lokalmiljøet.

Etter NVE sitt syn er tiltaket akseptabelt i høve til private og allmenne interesser.