Straumsåna kraftverk
- Registreringsnummer
- 5978
- Saksnummer
- 200802628
- Overordnet sakstype
- Vannkraft
- Sakstype
- Ny vannkraft
- Status
- Avslått søknad
- Vedtaksdato
- 28.01.2010
- Tiltakshaver
- GJESDAL KOMMUNE
- Fylke
- Rogaland
- Kommune
- Gjesdal
- Vassdragsområde
- 028.D0
- Søkt produksjon
- 3,58 GWh
Eit ja og eit nei til småkraftverk i Gjesdal
NVE seier ja til Gjesdal kommune sine planar om å oppgradere Ålgård kraftverk. Kommunen får samstundes nei til å bygge Straumsåna kraftverk. Begge kraftverka ligg i Figgjovassdraget i Rogaland. Ålgård kraftverk vil gje ein årleg fornybar produksjon på 1,7 GWh. Dette svarar til straumforbruket i om lag 85 husstandar.
Kraftverka er planlagt med installert effekt på høvesvis 0,48 MW for Straumsåna kraftverk og 0,3 MW for Ålgård kraftverk.
Figgjovassdraget blei verna mot kraftutbygging i Verneplan I og har seinare fått status som nasjonalt laksevassdrag. Strekninga heilt opp mot utlaupet av dagens kraftverk er gyte- og oppvekstområde for laks. I tillegg er det ål i området. Det er derfor viktig med klare vilkår for minstevassføring, istandsetting av eksisterande fisketrapp og drift av kraftverket som sikrar jamn vassføring.
Etter NVE sitt syn vil bygging av Straumsåna kraftverk påverke fleire av verdiane som ligg til grunn for vern av Figgjovassdraget. Tiltaket vil råke områder med våtmark og mudderflater som er viktige for våtmarksfuglar og andre artar. Redusert vassføring i øvre delar av Straumsåna vil minke verdien av området som hekkeplass for vintererle og fossekall og kunne svekke det som leve- og oppvekstområde for laks. Bygging av Straumsåna kraftverk vil etter vårt syn påverke verneverdien og er ikkje i samsvar med forvaltning av desse verdiane. Løyve kan dermed ikkje gis.
Kontaktpersoner
Seksjonssjef Øystein Grundt, tlf. 22 95 93 89
Rådgjevar Marthe Cecilie Pramli, tlf. 22 95 92 23