Fister smolt AS settefisk

Fister Smolt AS planlegg å utvide sin smoltproduksjon frå 2,4 millioner til 5 millioner sjødyktig smolt. Difor har selskapet søkt om løyve til auka regulering av Hetlandsvatnet med 50 cm senkning under dagens LRV og minske slipp av minstevassføring i Fisteråna frå dagens krav på minimum 100 l/s til 40 l/s. Ei auka regulering vil kome i konflikt med landskap, landbruk og friluftslivsinteressar i og rundt Hetlandsvatnet. Det er registrert ål og elvemusling i Fisteråna, artar som er registret som kritisk trua og sårbar i Norsk Rødliste. Vassdraget har gode gyte- og oppvekstområde for sjøaure. Ei fiskesperre som er vurdert som ulovleg av NVE og Fylkesmannen i Rogaland hindrar anadrom fisk å gå opp i vassdraget i dag. Redusert vassføring og auka regulering kjem etter NVE si oppfatning i sterk konflikt med verdiane i vassdraget, som etter vårt syn vert betydeleg påverka av tiltaket. Dei negative konsekvensane står etter NVE sitt syn ikkje i forhold til auka smoltproduksjon eller andre positive verknader av tiltaket.

NVE vurderar det planlagde tiltaket til ikkje å vere akseptabelt i høve til allmenne interesser og gjev difor avslag på søknaden om auka regulering og redusert slepp av minstevassføring.