Kvasstind kraftverk

Kvasstind kraftverk i Bresjavassdraget er planlagt med ein installert effekt på 1,6 MW og ein årleg produksjon på om lag 9,9 GWh, noko som svarar til straumbruken til om lag 500 husstandar. Utbygginga vil samstundes medføre negative verknader for landskap og friluftsliv og tap av inngrepsfrie naturområde. NVE meiner likevel det vil vere mulig å avbøte ein del av dei negative verknadene.
Av omsyn til landskap og friluftsliv, har NVE sett krav om boring av tunnel store delar av vassvegen samt at det ikkje skal byggjast anleggsveg til Kvasstindvatn.
NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.