Åborselva kraftverk

NVE legg vekt på at ei utbygging av Åborselva kraftverk vil vere eit bidrag til ny produksjon av fornybar energi. Kraftverk vil og bidra til lokal verdiskaping.

Kraftverket er planlagt i Åborselva, med hovudinntak omlag ved kote 208 og kraftstasjon ved kote 5. Vassvegen frå inntaket til kraftstasjonen skal vere nedgraven heile vegen, og det vil ikkje bli anlagt permanent veg til anlegget.

Tiltaket vil ha negative verkingar for naturmiljøet og landskap, hovudsakeleg som følge av redusert vassføring og bygging av rørgate, inntaksdammane og midlertidig veg. Det er i liten grad registrert raudlista arter og naturtypar i området, og NVE har vurdert tiltaket til å medføre små negative ulemper for naturmiljøet.

NVE legg vekt på at alle tekniske installasjonar best mulig tilpassast landskapet. NVE har vidare lagt vekt at tiltaket i hovudsak er plassert i skogkledd terreng, og at naturleg revegetering vil minimere dei negative verknadene for landskapet. NVE har fastsett ei minstevassføring på 120 l/s i sommarsesongen og 30 l/s resten av året for å redusere negative verkingar for naturmiljøet, og for å ta vare på opplevinga av landskapet.

NVE føreset vidare at reinbeitedistriktet blir tatt med på råd i forkant og under en eventuell utbygging, slik at anleggsarbeidet kan tilpassast reindriftens arealbruk.

NVE vurderer at nytten av tiltaket er større enn skadar og ulemper for private og allmenne interesser, og gjev difor løyve til bygging av Åborselva kraftverk på fastsette vilkår.

Kontaktpersonar

Overingeniør Hilde Aass, tlf. 22 95 98 85
Seksjonssjef Øystein Grundt, tlf. 90 19 82 16