Grøddalen kraftverk

NVE har handsama ni søknadar om bygging av småkraftverk i kommunane Suldal og Sauda i Rogaland. NVE gjev løyve til fem av kraftverka og avslag til tre. For eit av kraftverka tilrår NVE at Olje- og energidepartementet gjev løyve.

NVE gjev løyve til kraftverka Tysseelva, Sabakkeelva, Nyastøljuvet, Svandalen og Fivelandselva, og rår Olje- og energidepartementet til å gje løyve til Bråtveit kraftverk utan regulering av Kvernavatnet. Samstundes har NVE avslått søknadane om bygging av Bjerga, Tysdal og Grøddalen kraftverk.

Dei seks kraftverka som har fått løyve eller er tilrådd løyve, vil produsere om lag 57 GWh i eit gjennomsnittleg år, noko som svarar til straumbruken til 2850 husstandar.

Søknadene er handsama samla for å kunne gjere ei heilskapleg vurdering av verknadane av kraftverka. Verdifullt landskap, naturmangfald og samla belastning i området har vore sentralt i NVEs vurdering.

NVE har gjeve konsesjon til kraftverka som NVE meiner gjev minst konflikt med allmenne interesser og som samstundes vil bidra til ny fornybar energiproduksjon. NVE har sett vilkår til dei enkelte prosjekta for å redusere dei negative verknadane for allmenne interesser.