Nedre Dyrvo kraftverk

NVE har handsama dei 5 søknadane samla for å kunne gjere ei heilskapleg vurdering av konsekvensar som først kjem fram når sakene blir sett i samanheng. Sakane i Voss har hatt ulike problemstillingar, og NVE har sett få konsekvensar av stor skala, men samla belastning for vassdragsnaturen, anadrom laksefisk og landskap er vurdert.

Fylkesmannen har fremja motsegn mot to av prosjekta; Vassvøre og Nedre Dyrvo. NVE har til dels vore einig i Fylkesmannens vurderingar, men har i førstnemnde prosjekt vurdert at kraftverket likevel bør få konsesjon. Med krav til teknisk utføring av anlegget vil landskaps- og friluftsinteressene verte ivareteke på ein god måte, meiner NVE.

I handsaminga av søknadane har NVE teke særleg omsyn tilanadrom laksefisk i nasjonalt laksevassdrag og tilpassing i landskapet. NVE har lagt vekt på å få fram dei prosjekta som har minst konflikt med ålmenne interesser og som samstundes vil bidra til ein fornybar energiproduksjon. NVE har sett på miljøtilpassingar av dei enkelte prosjekta, for å redusera konflikten med dei ålmenne interessene.

Etter NVEs vurdering vil ei bygging av Nedre Dyrvo kraftverk truleg påverke eit naturreservat knytt til eit ferskvassdelta ved Evangervatnet. NVE meiner at ei utbygging vil vere i konflikt med verneformålet for Rekvesøyane naturreservat, då det vil endre dei naturgitte forholda i reservatet. Ei realisering av Nedre Dyrvo vil òg kunne komme i konflikt med føringane for nasjonale laksevassdrag.