Urke Fiskeoppdrett

Urke Fiskeoppdrett AS får løyve til auka vassuttak frå Urkevassdraget til settefiskanlegget ved Urke. Løyvet vil gje grunnlag for å utvide drifta ved settefiskanlegget og gje ei sikrare vassforsyning til bedriften. Vassuttaket skal ikkje vere større enn 60 m3/min for det nye vassuttaket og saman med det etablerte uttaket ikkje vere større enn 80 m3/min, og det skal til einkvar tid kunne gjerast greie for storleiken på vassuttaket. Av omsyn til biologien i Urkeelva er det sett krav om at det skal sleppast ei minstevassføring i elva ved eksisterande målestasjon ved urke bru tilsvarande 200 l/s i perioden 15.05 til 15.09 og 80 l/s resten av året.