Døsjagrovi småkraftverk

Døsjagrovi Kraftverk BA har søkt om løyve til å bygge Døsjagrovi kraftverk. Kraftverket  vil utnytte fallet i Døsjagrovi mellom eksisterande inntak på Røssete (kote 744) og ca kote 3 ved Lustrafjorden. 
 Kraftstasjonen skal plasserast i tilknyting til den gamle kraftstasjonen ved riksveg 55. Rørgata skal gravast ned på heile strekninga. For å redusere inngrepsomfanget med rørgate og hjelpeanlegg i den relativt bratte lisida skal nedre del leggast med taubane. Av omsyn til naturmiljøet er det gjeve løyve m.a. på vilkår av at det vert sleppt ei tilsigsavhengig minstevassføring på 150  l/s i sommarhalvåret og 40 l/s resten av året. NVE har lagt vekt på at Døsjagrovi kraftverk vil vere ei reetablering av tidlegare kraftproduksjon  i Døsjagrovi og medverke til auka fornybar energiproduksjon med avgrensa verknader for allmenne interesser. Med avbøtande tiltak vurderer NVE nytten av tiltaket til å vere større enn skadene og ulempene for private og allmenne interesser og gjev Døsjagrovi Kraftverk BA løyve til å bygge Døsjagrovi kraftverk på nærare fastsette vilkår.