Vannuttak Sommarsetelva og regulering Rotvikvatn, Salangen, Troms

Salaks AS får løyve til vassuttak frå Sommarsetelva og regulering av Rotvikvatnet med 1 meter. Det samla uttaket skal ikkje vere større enn 5,4 m3/min. NVE legg vekt på at tiltaket vil betre tilhøva for dagens produksjon av smolt og vasskvaliteten til lakseslakteriet. Dette vil også sikre vidare drift og arbeidsplassar knytt til verksemda.

Av omsyn til biologisk mangfald, fisk og andre allmenne interesser skal det sleppast ei minstevassføring i utløpselva frå Rotvikvatnet på 10 l/s i periodar med vasstand over normalvasstand. Det skal sleppast ei minstevassføring på 60 l/s heile året forbi dammen i Sommarsetelva.

NVE meiner at verneverdiane i Sommarsetelva ikkje vert påverka i vesentleg grad då det er sett vilkår om slepp av minstevassføring, nedgraving av røyr og tilbakeføring av anleggsveg.

Med dei fastsette vilkåra meiner NVE at fordelane ved tiltaket samla sett er større enn dei negative konsekvensane for allmenne og private interesser.