Ok-kraftverk

OK-Kraft AS v/Ivar Asbjørn Lervåg har søkt NVE om løyve til å nytte eit fall i Svorka mellom utløpet av Stavelitjønna på kote 179 og kraftstasjonen på kote 130. Kraftverket var planlagt med ein installert effekt på 0,99 MW og ville gje ein årleg produksjon på 5,51 GWh. Dette svarar til straumbruken til 275 husstandar.

NVE meinar at bygging av OK kraftverk både vil vere i konflikt med vernestatus for vassdraget og uavhengig av dette medføre skadar og ulempar for allmenne interesser som er større enn dei fordelane tiltaket vil gje. Kravet i vassressurslova § 25 og § 35 første ledd, post 5 og 8 er ikkje oppfylt. NVE gjev difor ikkje løyve etter vassressurslova § 8 til å byggje OK kraftverk.