Tista kraftverk

Kraftverket er planlagt med installert effekt på 0,8 MW og utbygginga vil nytte ei fallhøgd på omlag 60 meter. Kraftverket vil utnytte meir av vatnet i eit fall som allereie vert nytta i kraftverket Tistedalsfoss II. Frå inntaket ved Svanedammen i Femsjøen vert vatnet ført i røyr langs elveløpets nordside, under industribygget (i eksisterande tunnel) til tidlegare Bomuldsspinneriet, for deretter å følgje den naturlege vassvegen ned til tenkt plassering av kraftstasjon innerst i Lilleelva. Det nye kraftverket vil gje eit positivt tilskot til auka kraftproduksjon samstundes som kraftverket vil sikre betre gyte- og oppveksttilhøve for laksestamma i Tista. Betring av tilhøva for laksen skjer gjennom å sikre stabil vassføring på ein lakseførande strekning i ein del av Tista (Lilleelva) som normalt har for ustabil vassføring for laks. Røyrgata og kraftstasjonen vil verte synlege i landskapet, men NVE vil gjennom godkjenning av detaljplanar for anlegget sjå til at anlegget får ei god stadstilpassa utforming. NVE meiner samla sett at nytta at tiltaket overstig skader og ulemper private og almenne interesser, og gjev difor løyve til bygging av Tista kraftverk på fastsette vilkår.