Svandalsfossen kraftverk
- Registreringsnummer
- 4398
- Saksnummer
- 200708323
- Overordnet sakstype
- Vannkraft
- Sakstype
- Ny vannkraft
- Status
- Avslått søknad
- Vedtaksdato
- 26.10.2010
- Tiltakshaver
- Haugaland Kraft AS
- Fylke
- Rogaland
- Kommune
- Sauda
- Vassdragsområde
- 037.32
- Søkt produksjon
- 11,80 GWh
NVE seier nei til bygging av Svandalsfossen kraftverk i Sauda kommune i Rogaland. NVE meiner fordelane ved bygging av kraftverket ikkje veg opp for skadar og ulemper som blir påført ålmenne interesser.
Haugaland Kraft AS har søkt om løyve til å bygge Svandalsfossen kraftverk i Svandalselva. Kraftverket er planlagt med ein installert effekt på 4,5 MW, og ein årleg produksjon på om lag 11,8 GWh, noko som svarar til den årlege straumbruken til rundt 590 husstandar.
Det er utvikla fossesprøytsone langs Svandalsfossen og det er påvist førekomst av den raudlista arten kystfloke i tilknyting til Svandalsfossen. NVE vurderar at med ei utbygging vil fossesprøytsona reduserast sterkt og at kystfloken kan gå tapt. NVE meiner vidare at Svandalsfossen har høg verdi som landskapselement i området, og redusert vassføring vil gje ei mindre dynamisk og iaugefallande elv. Landskapsverdien vil etter NVEs vurdering svekkast betrakteleg ved ei utbygging.
NVE meiner at dei negative konsekvensane er større enn nytta ved auka kraftproduksjon og andre positive effektar av ei utbygging. Etter NVE sitt syn er det heller ikkje mogleg å bøte på verknadane med tiltak. Vi vurderar at ei utbygging ikkje er akseptabel i høve til ålmenne interesser, og gjev difor ikkje løyve til bygging av Svandalsfossen kraftverk.