Akslandselva kraftverk

Akslandselva Kraftverk AS har fått løyve til bygging av Akslandselva kraftverk i Etne kommune. Kraftverket vil få ei installert effekt på 1,7 MW og vil med dei fastsette vilkåra gje ein årleg produksjon på om lag 6 GWh.

Utbygginga vil nytte ei fallhøgd på 340 m og endre naturleg vassføring på ei om lag 1475 m lang elvestrekning. Vatnet skal førast i nedgravne rør mellom inntak og kraftstasjon. Den verdfulle naturtypa bekkekløft er registrert på elvestrekninga som blir fråført vatn.

Utbygging vil medføre nokre negative verknader for natur- og landskapsverdiar. Det gis ikkje løyve til overføring av Buhillersbekken. Buhillersbekken vil bidra til høgare restvassføring i bekkekløfta og sikre ein viss vassføringsdynamikk i elva. NVE meinar at med tilstrekkjeleg minstevassføring heile året, og god planlegging og oppfølging av anlegget i byggetida, vil skadeverknadane for landskap og miljø vere akseptable.

NVE vurderar fordelane av tiltaket i høve til dei ålmenne interessene er større enn skadane og ulempene, og gjev difor løyve til Akslandselva kraftverk.