Konsešuvdnaproseassat Finnmárkkus
NČE lea mearridan čielggadanprográmmaid dan 11 bieggafápmoáššái mat leat jođus Finnmárkkus. Prográmmain leat gáibádusat das makkár fáttát galget čielggaduvvot ovdal go fitnodagat sáhttet ohcat konsešuvnna. Čielggadangáibádus boazodoalu birra mearriduvvo 2025 geasi. Seamma guoská neahttadoaibmabijuid čielggadanprográmmaide guovllus.
Čielggadanprográmmat leat ráhkaduvvon viiddis gulaskuddanproseassa ja konsultašuvnnaid vuođul 2024 čavčča ja 2025 dálvvi
Boazodoalu ja neahta čielggadanprográmmat mearriduvvojit geasset
NČE lea ožžon cealkámušaid boazodoalu čielggadanprográmmii gulaskuddancealkámušaid ja sierra konsultašuvnnaid bokte sámi beroštumiiguin. NČE áigu mearridit boazodoalu čielggadanprográmma ovdal geasi. Maiddái fápmojohtasiid čielggadanprográmmat plánejuvvojit mearriduvvot ovdal geasi.
Ovttasbargu čielggademiid hárrái
Máŋgga bieggafápmoáššis háliidit sii geain leat huksenplánat, ovttasbargat oččodit oktasaš máhttovuođu. Dat geahpeda áššebeliid noađi, addá seamma vuolggasaji váikkuhusčielggademiide seamma areálas, ja seammás beavttálmahttá fealtabarggu dovdomassii.
Viidáset proseassa
Sii geat háliidit ohcat konsešuvnna, fertejit dál čađahit čielggademiid ja ovdánahttit prošeavttaid dassážii go ohcet konsešuvnna.
Maŋŋel go konsešuvdnaohcamat leat sáddejuvvon, de čađahuvvojit ođđa gulaskuddamat ja konsultašuvnnat, ovdalgo NČE loahpalaččat gieđahallá konsešuvdnaohcamiid. Jus NČE galgá addit konsešuvnna, de ferte maiddái gielda leat mearridan guovlomuddeneplána.
NČE vuolggasadji lea ráđđehusa mihttomearri oažžut ođđa fápmobuvttadeami nehttii ovdal jagi 2030.
Mii fuomášuhttit ahte leat ollu bealit mat sáhttet váikkuhit stuora áššiid konsešuvdnameannudeami ovdáneapmái, ja ahte áigeplána sáhttá rievdat.
Duogáš – fápmu ja industriijalokten Finnmárkui
Cuoŋománu 8. b. 2023 almmuhii ráđđehus fápmo- ja industriijaáŋgiruššanplánaid Finnmárkkus, "Fápmo- ja industriijalokten Finnmárkui". Ráđđehus čujuhii váilevaš neahttakapasitehtii ja váttis fápmodillái, ja ulbmil lea buoridit fápmodili.
Dán geažil vuoruha NČE meannudit fápmolinjá- ja fápmobuvttadanohcamiid Finnmárkkus, koordinerejuvvon proseassas. NČE deattuha ahte mearrádusat dáin áššiin galget leat seammalágánat go eará konsešuvdnameannudeamis, mas leat konkrehta vihkkedallamat birrasa ja servodaga ovdamuniid ja hehttehusaid ektui juohke ovttaskas áššis.
NČE unnidii áigeguovdilis prošeavttaid logu Finnmárkkus
NČE bijai áigemeari cuoŋománu 22. b. 2024 dieđihit ođđa plánejuvvon fápmobuvttademiid Finnmárkkus. Oktiibuot lei NČE ožžon 26 ođđa fápmobuvttadanplána Finnmárkkus áigemeari sisa. Dát leat ollu eanet go maid sáhttá hukset, ráddjejuvvon neahttakapasitehta geažil ja oppalaš váikkuhusaid geažil sámi kulturdoaimmaheapmái, lundui ja birrasii.
NČE lea čađahan álgosillema prošeavttaid dáfus, unnidan dihte logu prošeavttain mat galge sáddejuvvot gulaskuddamii.
NČE fágaidrasttildeaddji joavku lea árvvoštallan prošeavttaid, ovttasráđiid guoskevaš suohkaniiguin.
Dieđáhusa gulaskuddan
Prošeavttat mat sáddejuvvojedje gulaskuddamii 2024 čavčča leat:
Kjøllefjord/Gilevuotna bieggafápmorusttet
Skjøtningberg bieggafápmorusttet
Svartnakken bieggafápmorusttet
Laksefjorden/Lágesvuotna bieggafápmorusttet
Oksefjorden/Vuoksavuotna bieggafápmorusttet
Nordkyn/ Čorgaš bieggafápmorusttet
Bjørnviktuva bieggafápmorusttet
Skarvberget/Sieidi bieggafápmorusttet
Rubbedalshøgda/Básečearru bieggafápmorusttet
Hamnefjell/ Hámmanoaivi 3 bieggafápmorusttet
Reinelva/Reainnejohka bieggafápmorusttet