420 kV leidning Blåfalli-Gismarvik
- Tiltakshaver
- STATNETT SF
- Sakstype(r)
- Nett
- Saksnummer
- 202407338
- Status
- Høring
- Dato
- 14.05.2024
- Fylke
- Rogaland, Vestland
- Kommune
- Tysvær, Vindafjord, Etne, Kvinnherad
Høringsfrist: 29.05.2024
Det er også mulig å sende uttalelsen per epost, til uttalelse@nve.no.
Merk emnefeltet med «Høringsuttalelse 202407338» , og oppgi navn og eventuelt organisasjonsnummer innledningsvis. Du kan også sende inn uttalelse per brevpost.
Noregs vassdrags- og energidirektorat (NVE) har fått tre detaljplanar frå Statnett for bygging av Blåfalli koplingsstasjon, 420 kV kraftleidning Blåfalli – Gismarvik og Gismarvik transformatorstasjon. Detaljplan skal vera godkjend av NVE før anleggsstart, og planane er no sende på høyring. Dokumenta er tilgjengelege til høgre på denne sida. NVE ber om eventuelle innspel til utforminga til anlegget og korleis anleggsarbeidet kan gjennomførast innan <dato>.
Detaljplan for anlegget er ei teknisk beskriving av korleis dette skal byggjast. Om det er endringar i utbyggingsløysinga samanlikna med det som vart lagt til grunn i konsesjonssøknaden, skal dette beskrivast i detaljplan. Detaljplanen skal også konkretisera korleis Statnett skal byggja og driva anlegget, slik at miljø og landskap blir vareteke på best mogleg vis. Planane skal vera utarbeidde i kontakt med ramma kommunar, grunneigarar og andre rettshavarar.
NVEs saksbehandlar av detaljplanane er Marie Rushfeldt (maru@nve.no)
Statnett fekk 29. september 2023 løyve til byggjing av ein ny 420 kV kraftleidning frå Blåfalli i Kvinnherad kommune til Gismarvik i Tysvær kommune, ny Gismarvik transformatorstasjon og utviding av Blåfalli koplingsstasjon.
Statnett har fått løyve til ein ny om lag 88,4 km lang 420 kV luftleidning frå Blåfalli i Kvinnherad kommune til nye Gismarvik transformatorstasjon i Tysvær kommune, via Etne og Vindafjord kommunar i følgjande trasé:
- trasé 1.0A frå Blåfalli koplingsstasjon i Kvinnherad kommune til Litledalen i Etne kommune
- trasé 1.0B2-1.0C2-1.0C frå Litledalen i Etne via Strypeheiane til næringsområdet på Nerheim i Vindafjord kommune
- trasé 1.0D-1.52 frå Nerheim til Skjoldastraumen via Tørsdal i Vindafjord og Tysvær kommunar
- trasé 1.0F2-1.0G-1.0G3-1.0H frå Skjoldastraumen via Dueland, Sauahøgda og Klovning til Gismarvik transformatorstasjon i Tysvær kommune
Dei har òg fått løyve til å byggje ein ny transformatorstasjon i Gismarvik og å utvide eksisterande Blåfalli koplingsstasjon.
Statnett får òg ekspropriasjonsløyve og allmannastevning for naudsynt grunn og bruksrettar for å byggje og drive leidningen og stasjonane.
3D-modell av traseane kan sjåast her. Visualisering av trasé 1.2 i Litledalen, Etne, med trekantmast/tårnmast kan sjåast her.
OBS presisering frå Statnett per oktober 2020:
- Statnett opplyser om at det som er omtala og kartfesta som trasé 1.0B og 1.2 i fagrapportane i konsekvensutgreiinga til søknaden, har bytta namn i sjølve søknaden med kart; i søknaden er altså trasé 1.0B frå konsekvensutgreiinga blitt til 1.2 og omvendt. I søknad er trasé 1.0B over fjellet ved Litledalen prioritert omsøkt alternativ, og 1.2 gjennom Litledalen sekundært omsøkt alternativ.
- Trasé 1.6 over Kvalen i fagrapportane i konsekvensutgreiinga, er blitt til traséalternativ 1.6 over Freiåsen i søknad, då Kvalen ikkje er omsøkt.