Kjelstadfossen kraftverk

Registreringsnummer
8169
Saksnummer
201836413
Overordnet sakstype
Vannkraft
Sakstype
Ny vannkraft
Underordnet sakstype
Småkraft
Status
Avslått søknad
Vedtaksdato
17.04.2023
Tiltakshaver
SELBU ENERGIVERK AS
Fylke
Trøndelag
Kommune
Selbu
Vassdragsområde
123.B8Z
Søkt produksjon
12,60 GWh

NVE har avslått søknaden om å byggje Kjelstadfossen kraftverk i Selbu kommune

Eit kraftverk i Kjelstadfossen vil føre til stor samla belastning for storaure av nasjonal verdi i Selbusjøen. Samstundes vil ei utbygging og føre til ulemper for landskap og friluftsliv. Det er grunnen til at NVE gir Selbu Energiverk AS avslag på søknaden om utbygginga i Selbu kommune.

Selbu Energiverk AS har søkt om løyve til å byggje Kjelstadfossen kraftverk, og utnytte fallet i Garbergselva til kraftproduksjon. Garbergselva ligg i Selbu kommune, og utbygginga ville ha nytta eit fall på 33 m. Kraftverket ville gi ein årleg produksjon på om lag 12,6 GWh. Dette svarar til straum til om lag 630 husstandar.

– Omsynet til storaure og ulempane for landskap og friluftsliv gjer at vi gir avslag på søknaden om å byggje kraftverk i Garbergselva, seier Carsten Stig Jensen, seksjonssjef for vannkraft i NVE.

Eit kraftverk vert negativt for fiskebestand og friluftsliv

Garbergselva er ein del av storauren sitt funksjonsområde. NVE meiner at det er svært sannsynleg at ei utbygging av Kjelstadfossen kraftverk vil forringe førekomsten av storaure av nasjonal verdi i Selbusjøen. Vurderinga er gjort både med omsyn til samla belastning og føre-var-prinsippet.

Ei utbygging vil og gjere Kjelstadfossen mindre attraktiv for lokalbefolkninga og elvepadlarar. Både ved at opplevingsverdien blir svekka og ved at fossen ikkje kan bli brukt til fossepadling.

Alle høyringspartar var negative til utbygginga

I vurderinga har NVE også vektlagt at ingen av høyringspartane var positive til tiltaket, og at Statsforvaltaren i Trøndelag fremja motsegn til utbygginga.

Samla sett har NVE difor konkludert med at Selbu Energiverk AS ikkje får løyve til å byggje Kjelstadfossen kraftverk. Les bakgrunnen for NVE sitt vedtak i dokumentet i fanen til høgre: "NVEs vedtak - Kjelstadfossen kraftverk"