Fister Smolt - endring av reguleringsregime

Fister Smolt har utfordringar ved at vasstilgang og reguleringskapasitet er knapp med tanke på å sikre minstevassføring og vatn til drift av settefiskanlegget i langvarige tørrperiodar i sommarhalvåret. NVE meiner at knappheit på vatn ikkje kan løysast ved å auke reguleringa, men heller må løysast ved at Fister Smolt i større grad tilpassar seg tilgangen på vatn. Dette kan løysast gjennom meir effektiv utnytting av vatnet ved å ta i bruk resirkuleringsteknologi på heile anlegget, eller redusere produksjonen. NVE har vurdert val av driftsmetode opp mot verknad for naturmiljøet og meiner at naturmangfaldlova § 12 i dette tilfellet bør vektleggast.

Etter ei heilskapleg vurdering av planane og dei innkomne uttalane meiner NVE at ulempene ved å endre reguleringsregime for Hetlandsvatnet, til HRV på kote 46,4 heile året, er større enn fordelane. Kravet i vassressurslova § 25 er ikkje oppfylt. NVE gjev ikkje løyve etter vassressurslova § 8 til å endre reguleringsregime for Hetlandsvatnet.