Kraft frå land til Oseberg-feltet i Nordsjøen

NVE meiner at Equinor i MTA-planane har teke omsyn til miljø- og landskap, og sikra at dei negative verknadane av tiltaket vert minst mogleg innanfor dei konsesjonane som er gjeve. For å sikre eit godt sluttresultat, er det viktig å fortsette det gode informasjonsarbeidet, ta omsyn til fiskeria og at kablane vert overtrålbare der det er naudsynt med steinfyllingar.

Bakgrunn

Olje- og energidepartementet ga 26. mars 2021 Equinor løyve til kraftkabel og andre naudsynte anlegg frå Kollsnes i Øygarden kommune i Vestland fylke til plattformene Oseberg Sør og Oseberg Feltsenter i Nordsjøen. 

Olje- og energidepartementet ga samstundes at Equinor løyve til kraft frå Kollsnes til plattformene Troll B og C, sjå felles grunngjeving til høgre og Troll B/C-saka. 

Anlegga Equinor har fått konsesjon til er ein 132 kV sjøkabel frå Kollsnes til Oseberg Sør og Oseberg Feltsenter og ein 132 kV jordkabel frå landtak til ein ny 300/132 kV transformatorstasjon med naudsynte elektriske anlegg. Den nye transformatorstasjonen vil vere felles for Troll- og Oseberg-anlegga. Det same gjeld serviceveg langs kabeltraseen og mellombelse og permanent masselager. Equinor har vidare fått løyve til ein 300 kV jordkabel frå den nye transformatorstasjonen til Statnetts transformatorstasjon på Kollsnes, der dei treng å byggje eitt nytt 300 kV felt. Alle landanlegga ligg i industriområdet på Kollsnes.

Effektbehovet på Troll B og C er til saman 105 MW, og investeringskostnadene har Equinor oppgjeve å vere 2,76 milliarder kroner. Felles investeringar i landanlegg for Troll B/C og Oseberg er inkludert i investeringskostnadene til Troll B/C-prosjektet.

Kvifor har Equinor fått løyve?

Olje- og energidepartementet har gjeve løyve på bakgrunn av innstilling frå NVE. I innstillinga la NVE til grunn at det er ei politisk målsetting å redusere Norges utslipp av både CO₂ og NO_X. Kraft frå land til Oseberg-feltet vil vere med på å få ned dei nasjonale utsleppa gjennom å erstatte kraftproduksjon frå gassturbinar på plattformene. Vi meiner verknadene for miljø og samfunn som små og i hovudsak mellombelse, både på land og i sjø. Vi vektla at investeringskostnadene vert dekka av Equinor og lisenshavarane på Oseberg og ikkje i seg sjølve vil påverke tariffane til nettkunder på land. Lisenshavarane vil òg måtte betale anleggsbidrag for sin del av nettforsterkningar på land som dei utløyser. 

For å ta omsyn til forsyningstryggleiken til eksisterande kraftkundar, meinte NVE det var naudsynt å setje vilkår i anleggskonsesjonen til Oseberg-feltet, fram til nettforsterkingar er gjennomført. Om Equinor vert pålagt særskilte vilkår om at deira forbruk på Oseberg Sør og Oseberg Feltsenter kan koplast ut i anstrengde situasjonar for kraftnettet, meiner NVE at forbruket kan knyttast til Kollsnes utan at det fører til vesentlege negative verknader for kraftnettet og eksisterande kraftkundar.