Kartlegging av flaum- og skredfare i NVE sin regi skjer på to detaljeringsnivå; aktsemdkart og faresonekart. Aktsemdkart dekker heile landet og faresonekart blir laga for utvalde område. Ut over dette gjennomfører NVE risikovurderingar for å prioritere mellom ulike sikringsprosjekt.

NVE kan yte hjelp til kommunar med fare- og risikokartlegging og detaljerte undersøkingar i utvalde område med høg risiko. NVE utarbeider kartleggingsmetodikk som kommunar og tiltakshavarar sjølve kan nytte for å gjennomføre detaljkartlegging av område som ikkje vert kartlagt i statleg regi. 

Kartlegging av skred- og flaumfare

NVE skal bidra til at omsyne til flaum- og skredfare blir tilstrekkelig vurdert i kommunalt planarbeid. NVE sine retningslinjer for flaum- og skredfare i arealplanar gir kommunar og utbyggjarar rettleiing i korleis ein kan ta omsyn til slik fare i planarbeidet. NVE gjer også råd og uttale til kommunane i planprosessen.

Arealplanlegging i skred- og flaumutsette områder.

NVE forvaltar staten sine midlar til sikringstiltak av eksisterande busetnad. NVE kan gje bistand til å utgreie fare, planlegge og gjennomføre sikringstiltak. NVE prioriterer dei tiltaka som har høgast samfunnsmessig nytte i forhold til kostnadene og der det kan være fare for liv og helse. Kommunar og utbyggjarar har sjølv ansvar for nødvendig sikring av ny busetnad.

NVE sitt sikringsarbeid.

NVE har ansvaret for den nasjonale flaumvarslingstjenesta og har døgnkontinuerleg beredskapstelefon for flaum- og skredsituasjonar. NVE varslar flaum eller stor flaum når vi venter at vassføringa i eit vassdrag vil nå ein viss storleik eller at vasstanden i ein sjø vil overstige en viss vasstand. Eit flaumvarsel gjeld først og fremst for uregulerte og lite regulerte vassdrag.

NVE etablerte vinteren 2013 eit overvakings- og varslingssystem for å varsle fare for snøskred. I løpet av 2013 vil eit overvaknings- og varslingssystem for lausmasseskred vere operativt. Varsla er på regionalt nivå, tilsvarande NVE sine flaumvarsel. Varsla er å finne på www.varsom.no.

NVE har ansvar for å overvake fjellskred og å varsle beredskapsmyndigheiter. Varsling av befolkninga vil fortsatt vere eit lokalt ansvar.

NVE si fjellskredovervaking.

Varsling av skred, flaum og is.

NVE kan yte hjelp til lokalt og regionalt beredskapsansvarlege med flaum- og skredfagleg kompetanse i beredskapssituasjonar. I en beredskapssituasjon vil det vere NVE sine regionkontor i den aktuelle regionen som har kontakt med, og som gir råd og rettleiing til kommunar, politi og fylkesmannen sin beredskapsorganisasjon.

Roller og ansvar i beredskap.