Du kan sende til flere av gangen. Skill adressene med komma.
En lenke til artikkelen blir lagt til i eposten.
I lova om vassdrag og grunnvatn (vassressurslova) av 24.11.00, som gjeld frå 01.01.01, er det i § 5 gitt bestemmelsar om forvaltaransvar og aktsomhetsplikt når det gjeld vassdrag og vassdragsanlegg. Her går det m.a. fram at vassdragstiltak skal planleggjast og gjennomførast slik at dei er til minst mogleg skade og ulempe for allmenne og private interesser.
Dette gjeld så langt denne plikta kan oppfyllast utan uforholdsmessig utgift eller ulempe. Det går vidare fram at vassdragstiltak skal fylle alle krav som det er rimeleg å stille mot fare for menneske, miljø eller eigedom.
Det er i lova òg bestemt at vassdragsstyresmakta (NVE) ved forskrift kan fastsette nærare reglar om planlegging, gjennomføring og drift av bestemte typer vassdragsanlegg.
I "Forskrift om sikkerhet ved vassdragsanlegg" av 18.12.09, som gjeld frå 01.01.2010, går det fram av § 7-6 at "for alle vasdragsanlegg skal det etableres og opprettholdes hensiktsmessige sikringstiltak av hensyn til allmennhetens normale bruk og ferdsel på og ved vassdragsanlegg". I den tidligere sikkerhetsforskriften av 2001, som ble erstattet av damsikkerhetsforskriften av 2010, var det tilsvarende krav i § 2-9.
NVE ba med rundskriv av 21.05.2002 bedt om at alle eigarar av vassdragsanlegg snarast mogleg gjennomfører ei evaluering av situasjonen ved anlegga sine med omsyn til sikkerheiten. Dette kravet gjeld for vassdragsanlegg i alle konsekvensklassar frå 4 til 0. Fortsatt er det menge eigarar som mangler sikringstiltak ved sine anlegg. Som grunnlag for ei evaluering av behov for sikringstiltak anbefaler NVE å nytte rapporten "Faremomenter og sikringstiltak ved anlegg i vassdrag" frå 2003. I rapporten er det gitt råd om fleire typer tiltak, mellom anna bruk av skilt for å varsle om fare. Anleggseigar må sjølv bestille skilt hjå ein skiltleveandør.
NVE vil løpande vurdere om det er behov for å utarbeide eigne retningslinjer for kva sikringstiltak som bør etablerast og oppretthaldast for vassdragsanlegg av omsyn til allmenne og private interesser.
Spørsmål kan rettast til seksjon for damsikkerhet ved NVE sitt hovudkontor eller NVE sine regionkontor.